¤Sidii shabad jacayl ku dhacayoo,
Shaarbaha miiqanaysa.
¤Oo shukiyo xijaabkii tuurtayoo,
Shaadh soo xidhatay.
¤Oo wiiliyo gabadhi is shukaansadaba,
huruuf ku shiidaysa.
¤Amase sidii bakayle shaani cabey,
Shikada ka heesaysa.
¤Shabaabka wejibuugu waa iney,
Shabaheeda yeeshaane.
¤Shabeel naagoodki arka,
waa Inuu Ka shiixaaye.
¤Dhaqan celiski shilin wataa,
Waa inu shidhka ku ritaaye.
¤Shoomeerkii la sheekaysta waa Inuu,
sheeda ka caashaqo'e.
¤Shiikhi maalin la kulmaa
waa inuu, Jacaylkeedu shiilaaye.
¤Iskaabuladii shalay bartay waa iney,
Shaashadaha saartaane.
¤Sawirkeedana waa iney shaniyo toban jeer,
Shumiyaane.
¤Dabadeed waa iney shuufaan,
Shuquliyo warkeediiye.
¤Sheeko xun weeye waa iney,
Ku sheegaane.
¤Ileen iyadaa shariica soo dhigtay,
Sharafiyo quruxdeediiye.
¤Afarta sidii shiil kulul,
Shaarica ma ka cadeeyey.
¤Shabadii shaadirka xoortay,
Shabaqa ma kaga xeereyey.
¤Balan sha kalena doobki sheegnaa,
Shab ku siiyo.....
By: Maanmaal Buureed
No comments:
Post a Comment