- Xiiqaayow Bir xawaare jartay, Xiin laguma gaadha'e.
- Xabadiyo gumuc dhacay, Xodxodasho ma lahayne.
- Cir xuub dhacsaday Xareed, Laga ma sugo'e
- Naf xawl mariidka dhaaftay, Xanaano ma lahayne
- Suugaantuna xagxagshiyo xarbi, Laguma xaadiye.
- Adiguna xaraf laguu dhiibay baad, La xarakaadaysaaye.
- Abris soo xankaakubay baad, Xerediisi timiye.
- Kuwii hoyga xikmadiyo fadhiyey, Xaruntii murtida.
- Adigoon xa'da gabay xardhi karayn, Baad xuruuf ula timiye.
- Xisidnimadiyo xisti fogaaday Baa, Laabta ku xoodaye.
- Xafaarna waad u ahayd kuwii, Xamasta leenaayey'e
- Xayn libaaxyo ah baad dalbanaysaa, Xarbigoodiiye
- Xadkaaga xidho yaanan, Xogta gaadhsiine.
- Mar hadday dhexyar,
- Dheel dheel bilodow,
- Dhabadaad joogtidiyo,
- Dhankaaga soo aado,
- Ooy Afka soo dhubtoo,
- Intay labada dhaban,
- Habsami ugu dhegto,
- Dhunkasho yaab leh,
- Dhab ku sii dibnaha,
- Dhinac ka dhinac,
- Dhowr minit gudahood,
- Gacmaha is dhaafsataan,
- Oo Xidida dhiiga qaadiyo,
- Inta ku dhaaban wadnaha,
- Dhab uwada dhaqaaqaan,
- Dhuumaha dareenkiyo,
- Dhuuxuna dhaqaaqo,
- Oo dhididiyo reenku,
- Daqiiqado sii dheeraadan,
- Alleyle mashaqada dhacday,
- Dhayal maha hawsheeduye,
- Dhibtii ka timaadiyo,
- Dheeftii laga helaba,
- Hooy dhalinyarooooy,
- Dhaxalkeeda yaa leh?
♥By:Maanmaal Buureed♥
♥♥Idimka Eebe Weeye♥♥
♥♥31/10/2012♥♥
