"XADKA JACAYLKIYO GUURKA"

ﻗَ"ﺎلَ اﷲُ ﺗَﻌَﺎﻟَ"ﻰ: {وَﻣِ6ﻦْ ﺁﻳَﺎﺗِ6ﻪِ أَنْ ﺧَﻠَ6ﻖَ ﻟَﻜُﻢ ﻣﱢﻦْ أَﻧﻔُﺴِﻜُﻢْ أَزْوَاﺟًﺎ
ﻟﱢﺘَﺴْ6ﻜُﻨُﻮا إِﻟَ6ﻴْﻬَﺎ وَﺟَﻌَ6ﻞَ ﺑَﻴْ6ﻨَﻜُﻢ ﻣﱠ6ﻮَدﱠةً وَرَﺣْﻤَ6ﺔً إِنﱠ ﻓِ6ﻲ ذَﻟِﻚَ ﻵَﻳَﺎتٍ
ﻟﱢﻘَﻮْمٍ ﻳَﺘَﻔَﻜﱠﺮُونَ} {ﺳﻮرة اﻟﺮوم:21}.

(Calaamadihiisa "awooddiisa iyo inuu 

keligiis in la caabbudo mudan yahay tusinaya"

waxaa kamid ah inuu naftiinna xaasas 

idiinka abuuray saad ugu degtaan, wuxuna 

idin dhex dhigay kalgacaltooyo iyo 

naxariis, dhab ahaantii taasi waxay 

calaamado "lagu waana qaato" u tahay qolo 

fekeraysa) (Ar-Ruum: 21). 

Thowbaan (RC) wuxuu Nabiga (SallalLaahu calayhi wa-Sallam) ka weriyay: 

(Midkiin ha yeesho qalbi Eebbe ku 

mahadin og, carrab Eebbe xusid badan iyo 

haweenay muíminad suubban ahoo 

Aakhiradiisa ku kaalmaysa)

.

Ereyga Guur, luqad ahaan waxa loola 

jeedaa shay inta meel laga raro meel kale loo 

raro. Waa ta ay reerku guuraan, waana ta 

kolka jarta ama godagodowga, iwm, la 

ciyaarayo, dhagaxana meel laga rarayo oo 

meel kale loo rarayo la yiraahdo waa la 

guurayaa. Sidaas darteed, gabadha waxa laga 

guuriyaa guriga waalidkeed, waxana loo 

guuriyaa ama loo gelbiyaa guriga ninkii xirtay 

ama xalaalaystay. 

Shareecada Islaamka kolka laga eego, 

guurku waxa uu ka kooban yahay laba 

qaybood oo isku lifaaqan. Qaybta hore oo ah 

meherka waxa weeye in gabadha lagu nikaaxo 

ama lagu xiro loona xalaaleeyo nin geeya oo 

guur u qabto, sharci nikaaxeeda ka reebayaana 

aanu jirin. Qaybta labaad ee guurku waxa 

weeye in gabadhii la nikaaxay ninkii lagu 

nikaaxay loo guri geeyo ama loo aqalgeliyo 

ama loo gelbiyo amaba loo dhiso, hadba siday 

qolo waliba u taqaan. Haddaba guurku 

shareeco ahaan waxa weeye xalaalayn iyo guri 

geyn. 

Guurku waxa weeye heshiis Aadane dhex 

mara kan ugu qiimi badan, sababtoo ah waxa 

uu khuseeyaa qofka laftiisa. Heshiiska labada 

qof ku dhex mara guurku kuma saabsana 

xoolo iyo umuuro adduunyo oo lagu 

heshiinayo, balse waxa uu labada ruux iskula 

xirayaa xarig kalgacayl iyo naxariis. Waxa uu 

sababaa ubad dhasha, wuxuuna xubnaha 

taranka ka ilaaliyaa galmada xaaraanta ah. 

√Hablaha xuraycante,
√Xishoodiyo asluubta,
√Xaakimkeenu siiyey,

√Ee xadka islaamkiyo,
√Xuduuda dhaqankena,
√Xeerkoda lagu dhalay,

√Ee xarafka diintiyo,
√Hidaheena xariirta,
√Lagu soo xananeyey,

√Xaawalayoo dhan,
√Xabibtad ka jeclataye,
√Xabadkaaga degtay,

√Xili gabal dumay,
√Xaafadan laa jogin,
√Hadaad kula xerotid,

√Xaraarada dareenke,
√Shaydaanku xadanteyo,
√Xumanteda ya ka xidhi?

√Xamxamta hadalkiyo,
√Xodxodshada gacanta,
√Xarakadooduna xadir weye.

√Xaawiyo xuseenow,
√Idinko xalaal helaya,
√Xaaran lama raadshee.

√Xikmada jacaylku,
√Xeerka dhaqankoo,
√Lagu xananeyo weeye,

√Xurmada jacaylku,
√Xuduuda diintoo,
√Lagu xafido weeye,

√Xaqdhawrka jacaylku,
√Guur xalaaloo,
√Lagu xayndaabo weeye

√By: Maanmaal Buureed√
>>>>>05/04/2013<<<<<