Asc Waa sadex Jawaabod Oo An Kaga Jawabayo Maanso Halxiraale ah  Usoo Dhexdhigay Walalkay Abwan Awjamac Hoyga Dooda Hal abuurka ee Bar kulanta Facebookga,

Wuxu yidhi Maanmaal:-

• Siinkan Maanso'e,
• Sideediyo labaataniyo,
• Safkii sagaalaad,
• Sadaradeedu sigeen,
• Aad saxanow Aadanow,
• Sabarkan noogu keentay,

• Wuxu sahankeedu yahay, 
• Sarkaalada hawraartiyo,
• Suugaanta haboon,
• Sooha halxidhaaliyo,
• Sarbeebteeda hilan,
• Iney saxal bixiyaan,
• Suaalaheedan simane,
• Sugaya jawaabo sadexo,
• Aan suluug lahayn,

• Suldaanki hawraartow
• Saaxiibkey ina faaraxow,
• Sa'leyda maansadaadu,
• Sahal maha jawabteduye,
• Balaan saabka xadhigeda,
• Sax kuugu saafsaafo,

• Heedhe saxiibkey adanow
• Hadaan ahay sabool,
• Soddon weyda xaraysta,
• Aan subagiyo caano,
• Koley sufur tahayna,
• Reerkaygu ka sugayn,

• Sumalhaadka abaareed,
• Iyo Saxariirkan dhacay,
• Iyo Dhibatadan saaidka,
• Sababteedu waa sariyo,
• Imtaxaan lagu sudhayo,
• Samirkaaga lagu eegayee,

• Heedhe saaxiibkayow,
• Mida samaha maaliyo,
• Sareeradada aduunyiyo,
• Sahayda jidka siraad,
• Heedhe kaa saacidayse,
• Aad sariigan doontid,

• Saxiib waa adigoo,
• Samiriyo dulqaadka,
• Naftaada ku sabaaliye,

• Saxiib waa adigoo,
• Salaada eebiyo,
• Sakada lagu fariyo,
• Sadaqada la bixiyo,
• Saaqid ka noqon'e,

• Saaxiib waa adigoo,
• Amarka subxaankiyo
• Suradaha quraankiyo
• Sunada nabigeenu(csw),
• Siday ku fareen,
• Naftaada ku seeteeyo'e.

• Heedhe saaxiibkayow,
• Sahal maha hawlaha,
• Dunida laysa sudhaye,
• Xaalkaygu haduu sidaa,
• Iyo soddon soogan yahay
• Hadii sodogiyo seedigay,
• Socdaal dhul dheeriyo,
• Sahan ku maqnaa,

• Heedhe saxanow,
• Saqda dhexe habenki,
• Haday iisoo hoydaan,
• Neef sumalhaadayiyo,
• Caato lagu ma sooree,
• Hayeeshe sedkan haysto,
• Iyo sodonku ale isiyey,
• Baan dhuuxa sawjadayda
• Alleylehe siday noqotaba,
• Wax un uga suubin lahaa,

• Saaxiikay ina faaraxow
• Subxaanka ina abuuriyo,
• Nin soo joogi jiray,
• Baa Seben abaareediyo, 
• Sanad la tabaaloobey,
• Sideedba yaqaano,
• Saluugayn midad usoshoe.

• Heedhe saaxiibkayow,
• Dalkaygoo samaa,
• Anigoo ka socdaalay,
• Qurbojoog ku sifoobey,
• Saxanow ina faaraxow,
• Safarku dhaqale weeye,
• Salagaad maraysidba,
• Sahay inaad uqaadatid,
• Iyo Saad culus weeye,

• Heedhe saaxiibkayow,
• Hadaan shaqo seegay,
• Oo jeebka suwaalkiyo,
• Saabka boorsadayda,
• Senti lagu ogeyn,
• Oo suubantan jeclaaye,
• Hablaha ka soocdaye,
• Sanadkaanu Saxeexanay,
• Guur sokeeyiyo xigaal,
• Saqiiriyo kabiir joogo,
• Hadii saacdis tahay, 
• Saakuniyo sidataalsha dambe,

• Heedhe saaxiibkayow,
• Ragu siduu yahayba,
• Hadaanu sagagar ahayn,
• Ama maanku siloonayn,
• Taladu kama suushoo,
• Si uun buu yeelaayo,
• Sibraarkisu ma gudhe,
• Wuxun baan suubin laha,
• Kolaan sanduuq amaah,
• Sagaal kun ka helna,
• Salka ma dhigeen,

• Heedhe saaxiibkayow,
• Saatir baa faxane,
• Surimada ku furan,
• Sare kugu dhawaaqaya,
• Siidh manfac dhalayiyo,
• Sarac wacan leh,

• Waxaa sowdkoda maala,
• Suureeya gargarkooda,
• Sanaaduuq lacaga,
• Si sahala uga dhaansada,
• Ninkii saynisiyo cilmi,
• Iyo sunada bartaye,

• Ana saxanow ina faraxow
• Saanada aqoonta,
• Caad layga ma saarino,
• Sallaankeda kama dhicino
• Hal iseegi maaye,
• Hadu subxanku qadaro'e,
• Wax kalena wa suubin lahaa,

• Kolaan hay'ad samafal,
• Iyo sarkaalada sare,
• Qalinkayga seefta ah,
• Sindadab xarfaha seeman,
• Waraaqahooda safan
• Sitin sitin ugu sarna,
• Marna ma seexdeen,
• Ileen qalbi saafidaydi,
• Baa signaliyo siidhiga,
• Seken seken igu ridayso,
• Soo dhakhso ilehe.

Continue

By: Maanmaal Buureed