√"Khalaaweyniyo been rag baa, Khabarkoodu yahaye.
√"Khalkhaliyo kala guur rag baa, Khadkoodu yahaye.
√"Waxse kha'da gabay ku dhigayaa, Khalqigaan ahaye.
√"Khaniyo faan maaha warkaygu iyo, Tookh lala khalamleeya'e.
√"Khariirada ragii xoreyey iyo, Khaatumaawi baan ahaye.
√"Gumaysiyo khalad ragii diidey iyo, Darwiish khusuusiya baan ahaye.
√"Wadanka ragii ukhamuuri jirey iyo, Darwiish khaasa baan ahaye.
√"Khalqiga somaliyed raga mideynayiyo, Somali kheyrle baan ahaye.
√"Suugaanta khabiir qotamiya oo, Loo khushuucay baan ahaye.
√By: Maanmaal Buureed√
¤Jiimka maansada waa inaan,
Jidkeeda ka leexdaaye.
¤Jiiftiyo gabayga waa inaan,
Jar ka xooraaye.
¤Jacburka johoradiisa waa inaan,
Boodhka ka jaftaaye.
¤Sidii jookarki dhoodaan waa inaan,
Janankiisi noqdaaye.
¤Balaan jidkiisi qaadsiiyo,
Caawuu jaal leeyahaye.
¤Jacaylku waa jamhuriyad,
Aan jago lahayne.
¤Waa jees aan ciriyo dhul,
Jeex ku lahayne.
¤Waxse sebenkan jeel ku xidhay,
Aalado jacroorsane (Internet).
¤Jiilka soo kacayow waa inaad,
Jacayl la jirootaane.
¤Jacaylka facebuuga waa inaad,
La Jalaabuteysaane,
¤Jaahiisa goortaad aragtan waa inaad,
Soo jirfataane.
¤Weedho jeygaa ka badan,
Waa inaad Ku jalbaabtane.
¤Xabiibtiyo xabiibi jirkaan leegna,
Waa inaad soo jugeysaane,
¤IloveU jeeliyo haraad qabta hadii,
La idinku soo jifeeyo.
¤Sidii jiir dhaxani jiidhay waa inaad,
jidhiidhico la kurbataane.
¤Dabadeed jibbiyo qiiro jabaani waa,
Iney idiin luqun jibaadhaane.
